Трендови кај очилата


Како трендови се издвојуваат овие четири модели на очила за сонце што ќе ја збогатат вашата модна комбинација и ќе направат да се издвоите од толпата.

Ако направите комбинација од два модели во еден, тогаш веќе се издвојувате во категоријата жени со стил кои вешто ги следат трендовите.

Правоаголни рамки

Овој ретро модел што го популаризираше Софија Лорен во 70-тите ќе им ја даде потребната доза на холивудски гламур и на наједноставните модни комбинации. Женствени и елегантни, гломазните правоаголни очила за сонце прилегаат на речиси секој облик на лице.

Image result for sunglasses sophia loren

Рамки со животински дезен

Животинскиот дезен е голем хит оваа сезона за сите модни парчиња, а очилата за сонце не се исклучок. Изберете го вашиот омилен дезен – леопард точки, тигрести пруги, змиска шара… и блеснете во секоја прилика. Ако на тоа додадете и форма на „мачкини очи“ на рамката, имате полн погодок.

Related image

Огледални очила

Овој тренд е идеален за љубителите на футуристичкиот изглед, но секој може да се обиде да го износи со вистинската нијанса на бојата на стаклото.

Image result for mirror sunglasses

Бели рамки

Трендот од ова лето продолжува. Белата боја веќе не е карактеристична само за летната сезона. Одберете и наједноставна комбинација и со очила за сонце со бели рамки сигурно ќе бидете забележани.

Image result for white sunglasses