Очила за секое лице
Тркалезно лице
-За да ја ублажите тркалезноста, одберете рамки со рамни линии, односно четириаголни. Заборавете на тркалезните форми. Уште еден предлог е рамките да се темно смеѓи, сиви или црни, затоа што темните бои совршено визуелно ќе го избалансираат ваквиот облика на лице.
Четвртесто лице
Ако за тркалезното важи правилото да ги избегнувате токму тие форми на рамки, истото важи и за четвртестото лице. Рамките нека не бидат аглести, туку тркалезни или овални, нешто како во стилот на Џеки Оназис во 1970-тите. Тие визуелно ќе ја „омекнат“ линијата на челото и делот околу вилицата.
Овално лице
Е жените што имаат ваков облик на лице се среќни, затоа што на нив им прилега речиси секоја форма на очила за сонце. Она на што единствено мора да се внимава е очилата да бидат во сооднос со главата, односно пропорционални со големината на главата.
Срцевиден облик
Ако имате ваков облик на лице, тоа значи дека имате нагласени јаболчници и чело, па затоа не бирајте очила за сонце со премногу широки рамки. Вам одлично ќе ви прилегаат облици како на авијатичарските очила, како и тесни модели, со што ќе направите баланс со нагласените делови на лицето.
Долгнавесто лице
За оваа форма на лице одличен избор ќе бидат нагласените рамки, како и тркалезните, со нагласен среден дел над носот.
Триаголно лице
Тоа значи дека имате пошироко чело и шилеста брада. Ако се пронајдовте, тогаш барајте тенки, метални и долгнавести рамки, како оние автијатичарските. Исто така, важно е рамката на очилата за сонце удобно да „се сместат“ на носот, односно не треба да стојат превисоко, за да не го скријат горниот дел од лицето.
